ردت ثوب الفرح بس ما رهم وياي-

ردت ثوب الفرح بس ما رهم وياي

رِدت ثوب الفرح بس ما رهم وياي
بس ثوب الحزن ثاريه مقياسي
وعاشرت الهموم من الزغر ياصاح
بعشريني شبت..والشيب اخذ راسي
أداري الناس كلهه شلون هذا وذاك
وتِرس ظهري الطعن بجفوف أعز ناسي
وأهم بأحساسهم لا ينجرح فد يوم
وآنه ولا بشر يحسب لأحساسي
وأجيبلهم الضحكه وبسمة المرتاح
وأشعار الحزن تلعب بقرطاسي
ولا فد يوم عيّرت الخدمته بروح
لا لا...والله ابد مو هذا نوماسي
مثل شمعه أضوّي واحترك بسكوت
وأتاني النار حد ما توصل لساسي
وهسّه أنته أجيت وكمّلت الاحزان
يمن ردتك فرح يختم عطش كاسي
ثاريك أنته هم منهم تبيّن حيف


جاسي..وما رحمت الروح يا جاسي
تيّهت اليحبك والدروب ابعاد
وعفت كَلبي رهين لوهم وسواسي
وآنه اللي شتلت ادروبك بكل طيب
ولجيتك تراهه انقرعت اجراسي
وحسّبتك دواي اللي يطيب الروح
والصدر اليضم احزاني ويواسي
بس وداعتك رغم الجروح أهواك
وعلى جرفك أظل..رغم العصف راسي
لأنّك آخر المشوار ما ظل حيل
سيفي أنكسر بيْه وطاح متراسي
ولو موتي اعلى بابك ما اتيّهك دوم
وأظل وياك حد ما ينختم داسي
وصدّك بالحشر وهناك أدور أعليك
حتى ارجع واكَلّك أبد ماناسي

نورتوا

ولا ارووع من هالابيااااات

تقبلي مروري

يسلملي مرورك الرائع

روووووووووووووووووووعــــــــــة

انتي االاروع

without comment

welcome

هاااا عرف

نورتي حب

يلي طبعك ثلج لا تبلش اوياي النار
تموع بكل خجل لو لامست حرهه
ويا لكلك جرح لتدور اللجمات
اذا روحي زعلت شيكض خناجرهه
ولتلوم الشمس من تشك صدر الغيم
لو انته لغيوم لي محفظت سرهه
ولتدلي عالبير وانته (يوسف)لاخ
لان صحراء روحك محد يمرهه
ولتعاند الريح وانته بيه شراع
غصبن عالشراع يطيع اوامرهه
ولتكلي دك بابي وانته بابك جام
من حجار كفي وخاف اكسرهه
سامحتك هواي وكومه الك عديت
وعلى روحك خفت ينكسر خاطرهه
بس انته ويه انته يالمارحمت الحال
فراكك ما يهمني شما عليه يطول
انه روحي على الفراك ناذرهه
وميهمني الدمع التجري من عيناك
ذنوبك يادمع بالكون يغفرهه
بعتني بكل بساطه وبكل صلافة عين
وصوجك ما حسيت شلون اخرهه
شسويلك بعد وانه شبدي عليك
تضيع رويحتك وتكلي دورهه
جنت وياك شجره وادريروحك فاس
مو انه لغشيم ارجع وعاشرهه
صمت عنك بعد ما ارجع افطر بيك
وصام بروحي عنك حته كافرهه.وسلامتكم
(احمد جاسم العاني)

بصراحة ذوق وتألق منك يا عاشقة ...

نورت الموضوع

هذا نورج