شعور الطالب اثناء المحاضرة

عليكم ...... هاي قصيدة عجبتني تحكي معاناة الطلاب في المحاضرات ( خاصة اذا الاستاذ (( محبوب )) )
ارجو ان تعجبكم

دكتور أرجوك تخلصنه
و لا تچلب ما تگلّي شصار؟
و كافي أرجوك و بسّك تحچي
صوتك بذني يدگ إنذار
إذا هلگد يعجبك صوتك
روح شارك بعراق ستار

جوعان آني و متعب كلش
و الجسم من التعب إنهار
و من جوعي گمت آني أتخيل
مره أشوف الورقه طماطه
و مره أشوف القلم خيار
حس يمعود دا أريد آكل
و أترس بطني و أطفي النار

و نعسنه و كلش حمضنه
(ph)والـ
بالسالب صار
حن شويه علينه و إطلع
و بطلابك إصبح بار

و إسمحلي أفرّغ لبگلبي
و أحچيلك كل الأسرار
گدامك صح آني مفتح
لكن أغفي بس تندار
مرات ألعب بالموبايل
و مرات أسرح بالأفكار
لو أگعد أشخبط بالدفتر
لو أرسم و أكتب أشعار

القاعه من البرد تموّت
بس گلبي من الضوجه حار
هوه آني مأيّس من أصلي
لو واگع لو عندي قرار
دكتور إطلع كافي و لا تلح
مو عقلي من الضوجه طار
و طلعت روحي و لعبت نفسي
و وصلت عندي للستار

و كافي أرجوك و بسّك تحچي
صوتك بذني يدگ إنذار
إذا هلگد يعجبك صوتك
روح شارك بعراق ستار
هههههههه
عاااااشت ايدج كلش حلوووة يسلموو

ياهلا نورت بردك العطر

واشلون اساتذة

ينطون اكثر من حقهم باللغي