نومني إعله ايــــــــــــــــدك

زائر

************ نومني إعله ايدك ***************

نومني إعله ايدك من يجي الليل

وشوف شكد عشك بعيوني شايلّك

ولو يكدر كليبي يحجي شي وياك

عن شوكي ولهفتي كلبي جا كلّك

مل مني الكلب كد مااسولف بيك

واحلفلك اعوفة الكلب لو ملّك

اتيّه روحي بس ينذكر طاريك

واتيه الناس كلها ووحدك اندلّك

احبك حب عجيب بعمري ماصار

يمكن ماتصدك حبي لو أكلّك

لا أم التحبك مثلي لا اصحاب

لا والد يحبك هيج لا خلّك

يل جنك شمس تسطع بعز الليل

ويل جنك سحابه ونوكف بظلّك

ويل اسمك عزف ومقسم الحان

خرزة عين لازم دومك إتعلِّك

نومني اعله ايدك وخلنا تالي الليل

سوالف عشك احجيلك واسولفلك

وخلي الصبح يطلع وكلها خلي تكوم

وابقى لصبح ثاني وياك ماملّك

يل مجرى القصيدة يمشي بس وياك

وبس بسمك شعرحالف انا اكتبلك

روعة

والاحلى البنوتة

ربي يحفظهة

زائر

شكراااااااااا
نورت الموضوع

روووعة عااشت ايدج كلش حلوة

مزيد نريد ...

زائر

نورت الموضوع بمرورك